يا زينك وانت بعيد

يازينك وأنت بعيـد عنـي يازينك وأنت ماتسأل عنـي

ياليتك بس تروح وتتركنـي ولا تعلقني فيك على أوهـام



يوم أنا أحتاجك ماتسمعنـي ويوم تحتاجني قدامك تلاقيني

مدري ليه كذا تسوي فينـي مدري ليه مايأثر فيك الكلام



القسوة جمبك والله حنــان ياللي على قولك انك ولهان

الحب عندك صد وهجـران وماتعشق غير الملام والخصام



ياسيدي اقسى والا لا تقسى أنا من جروحك قربت أنسى

حبي واياك مالقى له مـرسى وكلها كم يوم وأقولك سلام



غلاك ياصاحبي مو مثل أول غلاك ياغـالي اليوم تحـول

من كثر ما أصبر وأتحـمل أرخصتك وأرخصت الغرام



صرت في حياتي شي عـادي ما أهتم فيك حتى لو تنـادي

وصار حبك ماله أي داعـي وايش الفايده ضاعت الأحلام